44 ildir Sankt Peterburq şəhərində yaşayan Qərbi Azərbaycanlı Sabir Məsimov

1001info.az xəbər verir ki,   sosial şəbəkə istifadəçiləri arasında məşhur olan “Xaricdə Yaşayan Qərbi Azərbaycanlılar” səhifəsində bu dəfə  44 ildir Rusiya Federasiyasının Sankt Peterburq şəhərində yaşayan deputat, diaspor rəhbəri Qərbi Azərbaycanlı Sabir Məsimov haqqında məlumat verilib

Qeyd olunub ki, Sabir Məsimov 1962-ci ildə Qərbi Azərbaycanın Pəmbək mahalının Arçut kəndində dünyaya gəlib. 1980-ci ildən Sankt Peterburq şəhərində yaşayır. Meşə Texniki Akademiyasının məzunudur.

Uzun müddət dövlət işlərində çalışdıqdan sonra şəxsi biznesini quraraq onunla məşğul olub. 2000-ci ildə Sankt Peterburq şəhərinin Petroqradsk rayon Veteranlar Şurası tərəfindən rayon deputatlığına namizədliyi irəli sürülüb. Və bu gün də həmin rayonun deputatdır.

Sankt Peterburq şəhərinin Veteranlar Şurasına davamlı dəstək göstərən Sabir Məsimov, ictimai-siyasi xidmətlərinə, eləcə də dövlətlərarası münasibətlərin inkişafına verdiyi töhfələrə görə dəfələrlə təltif olunub.

Hələ 90-cı illərdə Sankt Peterburqda ilk Azərbaycan diaspor təşkilatlarının yaranmasında iştirak edib, müəyyən zamanlarda həmin təşkilatlara rəhbərlik edib.

Yaşadığı şəhərdə soydaşlarımıza hər zaman dəstək olub, onların müxtəlif səpkili problemlərinin həllində iştirak edib.