Ehram Məcidovun doğum günü

Bu gün 5qat dünya çempionu , “Xocalı İdman Klubu”nun prezidenti, əməkdar idman ustası və əməkdar məşqçi Ehram Məcidovun doğum günüdür. Bu münasibətlə sosial şəbəkələrdə məşhur idmançının ünvanına dostları , tələbələri maraqlı təbriklər ünvanlayıblar.

1001info.az olaraq Ehram Məcidovu təbrik edir, daha böyük uğurlar arzulayırıq. 

 Xatırladaq ki, Ehram Xudu oğlu Məcidov 1979-cu ildə Biləsuvar rayonunun Günəşli kəndində anadan olub.Ehram Məcidov 8 yaşından idmanla məşğul olmağa başlayıb. 1986-cı ildə Biləsuvar rayonunda fəaliyyət göstərən boks dərnəyinə qatılıb. 1990-cı ildən 1994-cü ilədək isə KARATE DO idman növü ilə məşğul olub. 1995- ci ildə fəaliyyət göstərən “Dinamo idman cəmiyyətində” müəllimləri - mərhum Rauf Cabbarov və Balasən Eynullayevdən boks idman növü üzrə dərs alıb. 2000-ci ildə idman karyerasını müəllimi Çingiz Eyvazovun yanında kikboksinq sahəsində davam etdirib. 2004-cü ildən idmançı kimi fəaliyyət göstərdiyi “Neftçi sağlamlıq mərkəzində” baş məşqçi olaraq çalışmış. 2010-2015-ci illərdə kikboksinq üzrə böyüklərdən ibarət millinin, 2015-2016-cı illərdə isə gənclər və yeniyetmələrdən ibarət yığma komandanın baş məşqçisi olub. 2015-ci ildə Azərbaycanda keçirilən I Avropa oyunları ilə bağlı Biləsuvar rayonunda Avropa məşəlini alovlandırıb.         

O, 2001, 2006, 2007, 2008, 2009-cu illərdə dünya çempionu adını qazanmışdır“Super- fight” döyüşlərində WAKO üzrə peşəkar döyüşdə qalib gələrək, Avropa kəmərini adını qazanıb