IV Azərbaycan Vokalçıları Festivalında yeni əsərlər təqdim olunub

Azərbaycan Respublikası Mədəniyyət Nazirliyinin dəstəyi, Azərbaycan Dövlət Akademik Opera və Balet Teatrı, Bülbül Vokal Məktəbi və Azərbaycan Bəstəkarlar İttifaqının təşkilatçılığı ilə keçirilən IV Azərbaycan Vokalçıları Festivalı çərçivəsində Azərbaycan bəstəkarlarının yeni vokal əsərlərindən ibarət konserti olub.

1001info.az  xəbər verir ki, Azərbaycan Bəstəkarlar İttifaqının sədri, Xalq artisti Firəngiz Əlizadə çıxış edərək Azərbaycan Vokalçıları Festivalının əhəmiyyətindən söhbət açıb.

Konsert proqramında Əməkdar artistlər İnarə Babayeva, Səidə Şərifəliyeva, Respublika və beynəlxalq müsabiqələr laureatı Safura Aslanova, gənc ifaçılar Şəms Qəhrəmanova, Aydan Əliyeva, Ərəstun Quliyev, Rauf Məmmədzadə, Nurlan Sadıqov Azər Dadaşovun "Zəriflik", Elnarə Dadaşovanın "Bir çarə", "Xoş keçər", Azad Zahidin "Mərhəba", Elza Seyidcahanın "Güzelim", Samir Əliyevin "Mənim Tanrım", Aysel Kərimin "Qış gecəsi", "Uzun səfər", Vəfa Bağırzadənin "Eşq", Aydan Əliyevanın "Ay üzlü nigarım" romanslarını ifa ediblər.

İlk dəfə təqdim olunan yeni əsərlər tamaşaçılar tərəfindən böyük rəğbətlə qarşılanıb.