Süni intellekt təəccübləndirməkdə davam edir: Bəzi insanları narahat edən yeni ixtira

Süni intellekt startapı "OpenAI" 15 saniyəlik tək səs nümunəsindən təbii səslənən insan nitqini təkrarlaya bilən rəqəmsal səs generatorunun ilkin versiyasını təqdim edib.

1001info.az oxu.az-a istinadən xəbər verir ki, bu barədə "ChatGPT"nin yaradıcıları məlumat veriblər.
Proqram "Voice Engine" adlanır. İxtiraçılar generatoru müxtəlif məqsədlər, o cümlədən uşaqlara oxumağa kömək etmək, tərcümə və xərçəng xəstələri üçün səsin bərpası kimi müxtəlif sahələrdə sınaqdan keçiriblər.
Ancaq məhsul istifadəçilər tərəfindən birmənalı qarşılanmayıb. Belə ki, bəzi istifadəçilər səs təqlidlərindən istifadə etməklə fırıldaqçılıq, sui-istifadə hallarının baş verəcəyindən narahatlıqlarını bildiriblər.
"OpenAI" cavab olaraq bildirib ki, qeyri-qanuni istifadə ehtimalı səbəbindən proqram təminatının geniş şəkildə buraxılması planlaşdırılmayıb.