İSTEDAD VƏ PEŞƏKARLIQ... - Məlahət İsmayılqızı yazır

 İSTEDAD VƏ PEŞƏKARLIQ...

Sanma ki, dünyanın bəxtəvəriyəm...

Yuxuda xoşbəxtəm, o da ki, yatsam...

 Nahaqq haqq əritsə, Mənəm əriyəm- M. Araz

 Gözlərinmi dolmuş, nəyi gözləyirsən İnsan dedilər...Gözəl Günləri dedim!

  İstedad var, onu inkar etmək olmaz, ancaq istedad ola bilər, ancaq peşəkarlıq olmaya bilər, istedadlı ola bilərsən lakin peşəkarlığın yoxsa bu praktikaya və nəzəriyyəyə bənzəyir. “Nəzəriyyədən praktikaya- həqiqəti dərk etməyin yeganə meyarı budur- Lenin”- qeri- iradi düşünmədən sevməsəniz də Lenin inqilab yaradan dahi və güclü filosof olub. Həmin filosof ki, Onun qurduğu dövlət Sovetlər İttifaqı halında 73 il mövcud olub və Qızıl Əsr yaşadı İnsanlıq bu Böyük Dahinin qurduğu dövlətdə.

  Mühit İnsana, istedadına – təşəbbüskarlığına ən yüksək məqamda hətta dühana belə kölgə salmaq iqtidarına malikdir. Xoşbəxt o kimsə ki, nə vaxtsa bu qara kölgələri dağıdıb, öz yoluna gedə bilir, özünü nəhayətində təsdiqləyə bildirir, yəni Mən buyam, yaxud Bu Mənəm ! Sənin Məni qəbul etməməyə ixtiyarın yoxdur, Mən cəmiyyətin içərisinə daraşan cahil- fanatların simasını açmalıyam. Bu yöndədir məramım, İnsana və İnsanlığa xidmət. Xüsusən zamanın çirkinliklərə doğru getdiyi, maddiyyətlərə əsir olub acgöz təbəqəyə çevrildiyi məqamları, hansı yolla olursa- olsun, mən bunu Millətimə bildirməliyəm...Və içimizdəki Mən artıq çoxdandır ki, özünü təzahür etdirir və o Mən öz kökündən, genindən, doğulduğu mühitdən, ziiyalı əhatəsindən nə varsa özünə götürərək hətta o Mən dünyaya gəlməmiş baş verənləri belə öz ağıl süzgəcindən , ağıl dəsgahından keçirərək üyüdüb sevgili İnsanlarımıza təqdim edir.  Sanki yazan, vəsf edən  O Mən deyiləm, ruhumda yaşayan, Mənə yol göstərən  Göyçənin ruhu, Atamın klaviatura üstünə enən Əlləri və Anamın xeyir- duası... bax bunlardır İnsana ruhu verən və İnsan - İnsanlığa sevgi saçan. Əlbət ki, gen daşıyıcılığı da böyük amildir. Genetik daşıyıcı olmaq da bir şərəf, həm də  xoşbəxtlik deyək...

   Elə isə buna istedad- peşəkarlıq və sonsuz Vətən sevgisi və O Böyük sevgidən doğan İlahi Eşq deməyək, bəs nə deyək ...

   Bir haşiyə : Birinci Dünya Müharibəsi (1914) və küllər içərisində yanmış- kül olmuş bir Türkiyə və elə o andaca o küllər içərisindən də bir Simurq Quşu kimi ayağa qalxan Mustafa Kamal Paşa – sonralar Atatürk olacaqdı. Qərb- Avropa, Rusiya ömrü boyu Osmanlı imperiyasını məhv etmək haqqında düşünmüşdür. Lakin Osmanlı məhv edilsə də,  yerində Türkiyə Cümhuriyyəti quruldu. Osmanlının süqutu ordan irəli gəldi ki, o zəbt etdiyi yerlərdə mədəniyyətləri öz mədəniyyəti ilə qovuşdura bilmədi, əslində qalibiyyət hərb sahəsində əldə edilirdi.

  Azərbaycan- Bakı öz ərazisini erməni işğalçılarından azad etmişdir və bu belə də olmalı idi,  çünki Azərbaycan həqiqət və ədalət naminə mübarizə və müharibə apardı və Qalib gəldi. Burda isə həm yenilməz,  Əfsanəvi sərkərdə, Şah İsmayıl ruhlu bir Lider bizlərə başçı idi və Qorxmaz, şücaətli, hər hansı təlimlərdən müvəffəqiyyətlə çıxan, səriştəli, döyüşkən Ordumuz və Azərbaycan xalqının birliyi.    “Palaza bürünüb yernən sürünən” olmadıq bizlər...bu hər insana müyəssər deyil, hər insan səcdə edə bilər, baş əyə bilər, lakin boyun əyərmi- bax bu mümkün deyil !

  Bəzən insan istedadlı ola bilər, peşəkar da, lakin bəs şans necə, bax əslində elə bu olmalıdır İnsan olan kəsin qismət yollarında. Uğur və şansların bol- bol olmalı.  Titanikdə (1912),  sərnişinlərin böyük əksəriyyəti dünyanın- Qərbin ən varlı adamları idilər. Lakin şansı gətirənlər sağ qaldı. Deməli yenə də bu para heç də vacib amil deyil, Uğurun, şansın bol olsun.  Bir neçə gün əvvəl “Titanik”i görmək üçün suyun altına enən digər gəmi də eyni aqibəti yaşadı. Beş nəfər milyonçu və milyarder hətta məhv oldu. Acı bir aqibət yaşamış “Titanik”ə  bu uğursuz maraq hardan idi, harınlıqmı, yoxsa Afrikadan, Liviyadan, İraqdan daşınaraq aparılan Qədim Mesapatomiyanın incilərini, brilyantlarını belə yeyə bilirlər ?!. Egedə, Qara dənizdə batırılan qaçaq- köçmən suriyalılar, əfqanlar, ərəblər- ey Qərb bu ac- yalavacların dünyasını sən dağıtmısan ...sən xoşbəxt olmayacaqsan!

   Nə etməli, biri cəhbədə, biri arxada, biri şərəfsiz erməni adlı həşəratı öldürmək uğruna ölür, digəri isə “arxada” cibini “doldurmaq”- qardaşından- dostundan oğurlamaq  uğruna yaşayır...Bunun adına “həyat” deyirlər...

   Bəziləri deyirlər ki, istedad deyilən şey yoxdur, təqdir etmirəm, lakin istedad və ondan önəmli olan daha bir amil var, o da Zəhmətdir, sonsuz mütaliədir, daim öyrənmək istəyi və həvəsdir. lakin bəzən mühit istedadlı bir İnsanın o gözəl tərəflərinə kölgə salaraq yatızdırır, ruh düşkünlüyü, laqeydlik, ... lakin elə bir an gələ bilər ki, O şəxs üstündəki ətalət tozunu çırpmağa özündə güc taparaq qalxar. Sanki, bulaq gözü açılmış kimi gur və sərin sular axar, çağlar səni. Deməli istedaddan öncə və əmək- zəhmət sayəsində əldə edilir bütün uğurlarımız, sevinclərimiz.

“Xırda  adamların böyük kölgələri əmələ gələndə Günəş qürub edir”... Və o kölgələr ki, bu kölgələr artıq bulanıq sularda çoxdan üzürlər. Təhsildə balları endirməklə- əsas amillərdən biri. 100- 150 balnan daxıl olan, bəzi hallarda primitiv təsəvvürü belə olmayan kadrlar elə bu yollarnan da gənc nəslin yetişdirilməsində nə rolları ola bilər sizcə... Azərbaycan başdan- ayağa diplom xəstəliyinə tutulub desəm yanılmaram. Lakin bu diplomlular sonda elə özlərinə bənzər kadrlar yetişdirirlər. Yeni nəsil, təhsilə qədəm qoyan yeni kadr ancaq maaş haqqında düşünür, yəni pulu saymağı yaxşı bacarırlar.

  Qaranlıqlara İşıq salan Azərbaycan Təhsilinin çox əzəmətli, lakin keşməkeşli tarixi var, qoy belə primitiv baxışlı, alver təbli adamlar tərəfindən Təhsil- Maarif adlı Günəş söndürülməsin.Azərbaycan türkcəsinin formalaşmasında sonsuz zəhmətləri olan, bu yolda həyatını belə itirən İsmayıl Bəy Qaspıralı, Əli Bəy Hüseynzadə, Ömər Faiq Nemanzadə, Üzeyir Hacıbəyov, Cəlil Məmmədquluzadə...və s. s. sadaladıqca sadalanacaq bu zəhmətkeş şəxsiyyətlər yaratdılar bu gözəl dilimizi, M. Ə. Sabirlər,    M. Ə.  Rəsulzadələr, N. Nərimanovlar, Heydər Əliyev kimi Kişilər Azərbaycanı bir daha var etdilər. Bu günkü Müstəqil Dövlətinlə, Müasir Şah İsmayıl- İlham Əliyev Cənabları ilə, Xalqımız və Müzəffər Ordumuzla fəxr bizə yaraşır !

  İnanıram ki, Zəfər Qalibiyyətini bizlərə yaşadan Əziz Prezidentimiz İlham Əliyev Cənabları hər sahədə olduğu kimi, Azərbaycanın bütün guşələrinin bərraq və parlaq olmasına  nail olmaq üçün işğaldan azad olunmuş Qarabağ başda olmaqla Vətənin hər bir güşəsindən qayğı və diqqətini əsirgəmir. Sizinləyik Əziz Prezidentimiz, özü də Əbədi Prezidentimiz! 

                      MƏLAHƏT İSMAYILQIZI  yazar, publisist, tədqiqatçı