Mən Ölüməm, gəlmişəm!...

 1001info.az “Günün şeiri” rubrikasında xalq şairi Rəsul Rzanın yaradıcılığına yer ayırıb.

    İnsan

Səslər kəsildi.
Fikirlər dolaşdı.
Qurğuşun asıldı kirpiklərdən.
– Aç qapını!
– Buyur!
– Mən Ölüməm, gəlmişəm!

Xoş gəldin desəm,
bir az gülməli çıxar.
Gəlmisən, apar!
Adı, atasının adı,
yaşı, ünvanı budur…

-Gedək, dur!
Sükut çökdü araya,
uzun, dərin bir sükut,
bir saniyə tamam…
Qalxdı ayağa
dedi: – Gedək.
Demədi: “Yanılmısan,
Mən deyiləm
sən axtardığın adam”.