Mərhum şair Şöhlət Əfşarın doğum günüdür

Bu gün Azərbaycan Yazıçılar Birliyinin üzvü, mərhum şair Şöhlət Əfşarın doğum günüdür. Şairin rəsmi facebook  səhifəsində oğlu Şəmsi Axundov kövrək notlar üzərindəki paylaşımı dıqqət çəkib…

“Heç sevməzdin doğum günü məsələlərin! Deyirdin insan qocalır və buna sevinir! Məntiqsiz görürdün bunu. Amma yenə də evdə süfrə başına yığışmaq ən azından zövq verirdi sənə də, bizə də. İndi doğum günündə nə yığışası bir süfrə, nə də Sən varsan! Ən yaxşı rahatçılıq qəbrini ziyarət oldu… Ruhun qarşısında baş əyirəm, Atam!”
(Şəmsi Axundov)

 Xatırladaq ki Şöhlət Əfşar (Axundov Şöhlət Əşrəf oğlu) 1949-cu ildə Ağcabədi rayonunun Avşar kəndində anadan olub.
“Sükutdan asılmışam”, “Dodaqdan könüllərə”, “Bu dünyanın havasına oynama” və başqa kitabların müəllifidir. Dövri mətbuatda mütəmadi olaraq çıxış edib.
Dünya Avşarlar Dərnəyinin Azərbaycan təmsilçisi idi.
1001info.az olaraq dəyərli söz ustadı unudulmaz şair Şöhlət Əfşarı hörmətlə anırıq.

Allah rəhmət eləsin.