Sahibə Qafarova Mustafa Şentopun oğlunun toyunda

İstanbulda Türkiyə Böyük Millət Məclisinin (parlament) spikeri Mustafa Şentopun oğlu Mehmet Selahaddin Şentopun Ayşegül Akbulutla toyu olub.
“Qafqazinfo” parlamentin saytına istinadən xəbər verir ki, tədbir “Beykoz Mecidiye Kasrı” sarayında keçirilib. 
Toy mərasimi Qaziantep və Mersində baş vermiş faciəli yol qəzalarında həlak olanların xatirələrinə ehtiram əlamət olaraq sadə şəkildə keçirilib.
Mərasimdə Azərbaycan Milli Məclisinin spikeri Sahibə Qafarova, Türkiyə Prezidentinin köməkçisi Fuat Oktay, hakim “Ədalət və inkişaf” partiyasının sədr müavini Binəli Yıldırım, Türkiyə parlamentinin keçmiş spikeri Bülent Arınç, Konstitusiya Məhkəməsinin sədri Zühtü Arslan, Türkiyə Prezidentinin oğlu Bilal Erdoğan və digərləri iştirak ediblər.