Adil Əliyev “Liderlik Akademiyası” proqramının məzunları ilə görüşüb

Milli Məclisin sədr müavini Adil Əliyev “Liderlik Akademiyası” proqramının 40 nəfərdən artıq məzunu ilə görüşüb. Milli Məclisdə baş tutan görüş ilə bağlı millət vəkili Adil Əliyev facebook səhifəsində fikirlərini bölüşüb.

“Əsası Ulu Öndər Heydər Əliyev tərəfindən qoyulmuş və Ümummilli Liderin bütün sahələrdə layiqli davamçısı Prezident, Müzəffər Ali Baş Komandan İlham Əliyev tərəfindən uğurla aparılan müasir gənclər və idman siyasətləri barədə gənclərimizə məlumat verdim. Dövlət başçısının bu ilin fevral ayının 14-də Milli Məclisdəki andiçmə mərasimində çıxışı zamanı gənclər siyasətinə dair məsələlərə toxunmasını ölkə başçısının bir daha gənclərə ayırdığı yüksək diqqətin nəticəsi olmasını bildirdim. Eləcə də, qonaqlara ali qanunverici orqanın fəaliyyətindən bəhs edərək, Milli Məclisin qanunların qəbul olunmasında, parlamentlərarası əlaqələrdə, vətəndaşların müraciətlərinə baxılmasında verdiyi yüksək töhfədən bəhs etdim. Görüşün sonunda gənclərimizi Plenar iclas zalı ilə, Parlamentin foyesində şəhidlərimizin əziz xatirəsinə həsr olunmuş “Zəfər Guşəsi” ilə tanış edib, xatirə şəkli çəkdirdik."