Rusiyada 12 nəfərlik alpinist qrupundan 6 nəfər hündürlükdən yıxılaraq həyatını itirib

Rusiyanın Kamçatka yarımadasındakı Klyoçevskaya Sopka vulkanına dırmaşan 12 nəfərlik alpinist qrupundan 6 nəfər hündürlükdən yıxılaraq həyatını itirib.
“Qafqazinfo” xarici KİV-ə istinadən xəbər verir ki, 2-si bələdçi olan 12 nəfərdən 3-ü 3300 metr hündürlükdə qurulan düşərgədə qalıb və yürüşü dayandırıb.
4150 metr hündürlükdə qayadan yıxılan alpinistlərdən 5-i həyatını itirib, 4-ü isə yaralanıb.
Xəstəxanaya aparılarkən huşsuz vəziyyətdə xilas edilən daha bir alpinistin ölümü ilə hadisədə ölənlərin sayı 6-ya yüksəlib.
Alpinistlərdən 5-nin Rusiya Turizm Nazirliyində qeydiyyatda olduğu, lakin digərlərinin lisenziyasının olmadığı qeyd olunub.
Hadisə ilə bağlı araşdırmalara başlanılıb.