Yasamal sakini  95 yaşlı Şahxanım nənə: “Azərbaycanın xoşbəxt  gələcəyinə səs verdim.”

Yasamal sakini 95  yaşlı Şahxanım nənə: “Azərbaycanın xoşbəxt  gələcəyinə səs verdim.”

Azərbaycan Respublikası Prezidenti seçkiləri vətəndaşların yüksək fəallığı şəraitində davam edir. Səsvermə hüququ olanlar səhər saatlarından etbarən seçki məntəqələrinə gəlir, müstəqil Azərbaycanın daha da inkişaf etməsi, qüdrətlənməsi naminə öz vətəndaşlıq borclarını yerinə yetirməyə tələsirlər.

Yasamal rayonu 16-cı dairə, 9-cu məntəqə üzrə ən yaşlı sakinlərindən olan 95 yaşlı Şahxanım Şiriyeva səsvermə zamanı səyyar xidmətdən istifadə edib. Səhhəti ilə əlaqədar məntəqəyə gedə bilmədiyi üçün onun yaşadığı ünvana daşınan seçki qutusu gətirilib.Şahxanım Şiriyeva evində səs verərkən açıq şəkildə ifadə edib ki, onun  bu seşkidə sevə-sevə, böyük ürəklə səs verdiyi namizəd Ali Baş Komandan Cənab İlham Əliyevdir. Şahxanım nənə Azərbaycanın firavan gələcəyinə səs verdiyini, dünyada sülh və əmin-amanlıq olmasını arzuladığını bildirib.

Ən layiqli namizədə səs verdiyindən xoşbəxt olduğunu vurğulayan Şahxanım nənə yaradılan şəraitə görə təşəkkürünü bildirib.