Əməköməci ... Nəfəs yollarının iltihablarından tutmuş ağ ciyər xərçənginə qədər 

1001info.az nəfəs yollarının iltihablarından tutmuş ağ ciyər xərçənginə qədər nə qədər xəstəliyi əsrlərdir sağaldan bitki əməköməcidən bəhs edir. 

Əsrlər əvvəl müasir dərmanlar yox idi. Amma elə otlar var idi ki, onlar insanların həyatını xilas edirdilər. Günümüzün reallığı odur ki, bahalı dərmanlar, ardı-arası kəsilməyən prosedurlar dərdimizə əlac olmur. Amma sıradan bir ot, bizə həyatımızı və sağlamlığımızı geri qaytarır.

Əməköməcinin tərkibində çox miqdarda selik olduğundan ağciyər xəstəliklərində bəlğəmgətirici kimi istifadə oluna bilər. Eyni zamanda, həmin selikli maddələr qastrit, mədə-bağırsaq yaraları zamanı yaranın üzərini bürüyərək sağalmasını sürətləndirir və bu məqsədlə əməköməcinin dəmləməsi içilir. Əməköməci bitkisinin tərkibində olan malvin adlı maddə çox güclü mikrob və bakteriya öldürücü xüsusiyyətə malikdir. Məsələn, ağızda əmələ gələn yaralar gec sağalırsa, tez-tez angina baş verirsə, bir dəstə əməköməcini çeynəyib suyunu udmaq, oduncağını isə ağızdan çıxarmaq yaxşı təsir edir.

Xalq təbabətində mədə-bağırsaq sisteminin qastrit, kolit kimi iltihabi xəstəliklərində, həzm pozulmaları, ishal, yanıq, dəri xəstəlikləri, yara, xora, konyuktivit və paradontoz zamanı müalicə vasitəsi kimi istifadə edilir. Əməköməcinin preparatları bronxolitik, bürüyücü və iltihab əleyhinə təsir göstərir və həmin xüsusiyyətlərinə görə yuxarı tənəffüs yollarının xəstəliklərində, xüsusilə də quru və üzücü öskürəklərdə çox faydalıdır. Bundan başqa, bitki həm də qanda şəkərin səviyyəsini azaltmaq qabiliyyətinə malikdir".

Körpə əməköməci tərəvəz kimi yeyilir. Qurudulmuşu çay və qış yeməklərində istifadə edilir. Sıyıq halı çibanların, yaraların, ya da egzama olan bölgənin üzərinə qoyulsa, faydası görülər. Dəmlənmişi əlləri yumşaldır, ayaqlardan yorğunluğu aradan qaldırır. Gözlərə sarğı edilsə, gözləri rahatlaşdırar.