“Mən qadınam” müsabiqəsinin qalibləri açıqlanacaq

Azərbaycan Kinematoqrafçılar İttifaqının (AKİ) “Mən qadınam” adlı tammetrajlı bədii film ssenarisi üzrə elan edilmiş müsabiqənin qaliblərinin adı açıqlanacaq.

1001info.az kulis.az-a istinadən xəbər verir ki, müsabiqəyə ümumilikdə 96 ssenari təqdim olunub və onlardan 71-i müsabiqəyə buraxılıb.

Yanvardan etibarən iştirakçılar üçün mütəmadi olaraq master-klaslar təşkil olunub. Final mərhələsinə vəsiqə qazanan işlər arasında qadın müəlliflərin sayının nəzərəçarpacaq dərəcədə artması, bu istiqamətdə aparılan işlərin nəticə verdiyini göstərir.

Qeyd edək ki, müsabiqə qaliblərinin avqustun 2-dək elan edilməsi nəzərdə tutulub. Müsabiqədə I yerin sahibi 5 min AZN, II yerin qalibi 3 min 500 AZN, III yerin qalibi isə 2 min 500 AZN məbləğində pul mükafatı və diplomla təltif olunacaq.