Azərbaycanlı professorlar Türkiyədə beynəlxalq konfransda- FOTOLAR 

1001info.az xəbər verir ki, martın 15-də Türkiyənin Bandırma şəhərində Bandırma Onyedi Eylül Üniversitetində düzənlənən beynəlxalq konfransda Azərbaycandan yazıçı-dramaturq, professor,  Hüseynbala Mirələmov və filologiya elmləri doktoru, professor Elman Quliyev də iştirak ediblər.

Azərbaycanlı qonaqlar konfrans iştirakçlarına xüsusi təqdim ediliblər və yaradıcılıqları haqqında geniş məlumat verilib. Hüseynbala Mirələmov və Elman Quliyev çıxış edərək qardaş ölkədə keçirilən konfransın əhəmiyyətindən danışıblar və isti qarşılanmaya görə təşəkkür ediblər.

 Konfransdan sonra azərbaycanlı alim-yazarlar  Hüseynbala Mirələmovun “Ənvər Paşa “, Elman Quliyevin “Türk xalqları ədəbiyyatı” kitabının  imza mərasimi keçirilib. Mərasimdə Universitetin professorları, müəllim-tələbə heyəti iştirak edib. Möhtəşəm görüşdə müəlliflər kitabları imzalayaraq təqdim edib, sualları cavablandırıblar. İmza mərasimində iştirak edən elm və ədəbiyyat adamları bu kitabların Türkiyə Universitetlərində dərslik kimi tədris olunmasını arzu etdiklərini bildiriblər. 

Daha sonra müəlliflərin iştirakı ilə kitablar universitetin elektron sisteminə daxil edilib. 

Qeyd edək ki,  Hüseynbala Mirələmov və Elman Quliyevin kitabları 16 martda  Türk Ocaqları İstanbul şöbəsində də təqdim olunacaq.