Novruz Aslanov “Heydər Əliyevin 100 illiyi" yubiley medalı ilə təltif edilib

Martın 18-i Milli Məclisin üzvlərinə “Heydər Əliyevin 100 illiyi (1923-2023)” Azərbaycan Respublikasının yubiley medalı təqdim edilib.

Milli Məclisin deputatı Novruz Aslanov da “Heydər Əliyevin 100 illiyi (1923-2023)” yubiley medalı ilə təltif edilən millət vəkillərindəndir. 1001info.az xəbər verir ki, Novruz Aslanov bununla bağlı sosial şəbəkə hesabında sevinc və fəxarət hissini izləyicilərlə paylaşaraq bunu ən dəyərli təltif kimi qiymətləndirib. 

““Heydər Əliyevin 100 illiyi (1923-2023)” yubiley medalına layiq görüldüyüm üçün qürur hissi keçirirəm. İlk növbədə ona görə ki, bu təltif xalqımızın və müstəqil Azərbaycanın Xilaskarı-Ümummilli Lider Heydər Əliyevin adı ilə bilavasitə bağlıdır. Dövlət təltifinə Müzəffər Ali Baş Komandan, Prezident İlham Əliyev tərəfindən layiq görülməyim isə bir azərbaycanlı kimi mənim üçün xüsusi qürur mənbəyidir. Göstərilən yüksək diqqətə görə cənab Prezidentə dərin minnətdarlığımı bildirirəm. Əminəm ki, Ulu Öndərin siyasi irsi Prezident İlham Əliyevin Liderliyi ilə Xalqımıza və Dövlətimizə bundan sonra da yalnız Qələbələr gətirəcək”-deyə Novruz Aslanov qeyd edib.

Xatırladaq ki,  “Heydər Əliyevin 100 illiyi (1923-2023)” Azərbaycan Respublikasının yubiley medalı əvvəllər Milli Məclisdə fəaliyyət göstərmiş bir neçə şəxsə də təqdim olunub.