İradə Əlilinin "Xocalı: şahidlər danışır" kitabı qırğız dilində nəşr olunub

Xocalı soyqırımının 34-cü ildönümü ərəfəsində yazıçı-publisist, tarix üzrə fəlsəfə doktoru  İradə Əlilinin "Xocalı: şahidlər danışır" kitabı qırğız dilində nəşr olunub. Kitab Qırğızıstanda fəaliyyət göstərən Türkdilli  Dövlətlərin  Siyasətinə Dəstək Fondunun sifarişi ilə tərcümə olunub. Bu təşəbbüs Fondun prezidenti Nüsrət Məmmədov tərəfindən irəli sürülüb. Kitabın qırğız dilinə tərcüməçisi və redaktoru Temirbek Toktoqazıyevdir.

Kitabda o qanlı hadisənin şahidlərinin xatirələri və Xocalı gənclərinin fikirləri yer alıb.

Kitabın “Ön söz” müəllifi professor Elmira Süleymanovadır, redaktoru isə Ombudsman aparatının əməkdaşı Azadə Novruzovadır.

"Xocalı: şahidlər danışır" kitabı 13 dildə azərbaycan, rus, türk, ingilis, italyan, ispan, fransız, alman, filland,holland, urdu, ərəb, özbək dillərində işıq üzü görüb. Yaxın zamanlarda 14 cü dilə- qırğız dilinə tərcümə olunmuş  kitabın təqdimatı gözlənilir.