Şəhid ailələri ziyarət edildi- FOTOLAR

Vətən torpaqlarının işğaldan azad edilməsi üçün döyüşərkən ən ali məqama  ucalan şəhidlərin xatirəsi daim uca tutulur, ailələri isə diqqət və qayğı ilə əhatə olunur. 

1001info.az xəbər verir ki, Novruz bayramı günlərində tarix elmləri üzrə fəlsəfə doktoru, ictimai xadim İradə Əlili və Vətən Müharibəsi Veteranları Birliyi Sabirabad rayon şöbəsinin sədri, Birinci Qarabağ qazisi Faiq Hüseynov Novruz bayramı münasibəti ilə Sabirabad rayonu Şıxlar kəndindən I Qarabağ müharibəsi zamanı zamanı itkin düşmüş Davud Xankişiyevin  ailəsinin ziyarət ediblər. Qeyd edək ki, İtkin düşmüş Davudun yolunu gözləyən  iki bacısı vardır. Görüş vaxtı bacılar  ömrümüz boyu qardaşımızı gözləyəcəyik deyərək   Faiq Huseynovun onları tez-tez ziyarət etməsindən razılıq ediblər. 
Daha sonra Şəhid mayor Anar Məmmədovun ailəsi ilə səmimi görüş olub.Qəhrəman şəhidin anası Sevda xanım oğlu ilə bağlı xatirələrini danışıb, onunla fəxr etdiyini deyib. 
İradə Əlili və Faiq Hüseynov daha sonra  I Qarabağ müharibəsinin Şəhidi Tərlan Novruzovun , şəhid Sabir İsmayılovun,  Qaratəpə kəndindən  Şəhid olan  Toğrul  Məmmədovun 
Ulacalı kəndinin igid oğlu Şəhid Aqşin Ağayevin ailəsini ziyarət ediblər. 

Görüş zamanı şəhid ailələrinə göstərilən diqqət və qayğıdan bəhs edilib, şəhidlərin əziz xatirəsinin qəlblərdə daim yaşayacağı diqqətə çatdırılıb, şəhid ailələri və Vətən müharibəsi iştirakçılarının doğmalarının bayramını təbrik ediblər.  Şəhid valideynləri övladlarının vətənpərvərlik amalından və döyüş yolundan danışıblar.

İradə Əlili vurğulayıb ki, şəhidlərimizin xatirəsi bizim üçün hər zaman əzizdir. Şəhidlik zirvəsinə ucalan qəhrəmanların keçdikləri şərəfli ömür yolu gələcək nəsillər üçün örnəkdir. 

Allah Şəhidlərimizə rəhmət eləsin!