Ancelina və Bredin malikanəsi 2,8 milyona satıldı - Foto

Hollivud ulduzları ANcelina Coli və Bred Pittin Yeni Orleanın tarixi Fransız məhəlləsindəki malikanə hərracda 2,8 milyon dollara satılıb.
1001info.az Axşam.az-a istinadən  xəbər verir ki, bu haqda "Forbes" məlumat yayıb. Qeyd olunub ki, evin satışı üzrə sövdələşmə 2023-cü ilin dekabrında baş tutub.
1830-cu illərdə tikilmiş malikanə bir vaxtlar "Microsoft"un həmtəsisçisi Paul Allenə məxsus olub. Ümumi sahəsi 715 kvadratmetrdir. Ancelina Coli və Bred Pitt 2006-2016-cı illərdə, aktrisa boşanmaq üçün ərizə verənə qədər evə sahib olublar. Məlum olub ki, malikanə ötən ilin noyabrında hərraca çıxarılıb.
“Satış kampaniyası potensial alıcılardan və 12 qeydiyyatdan keçmiş iddiaçıdan təxminən 1000 sorğu ilə nəticələnib” deyə, satışı idarə edən şirkət bildirib. Malikanənin satış məbləği 2023-cü ildə Fransada rekord qırıb. 
Coli və Pittin keçmiş malikanəsi klassik üslubda dizayn edilib - evin döşəməsi parket, hündür tavan, Venesiya gipsi ilə bəzədilmiş divarlar, spiral pilləkən və bir neçə kamin var. Köşkdə beş vanna, yeddi yataq otağı, həmçinin idman zalı, lift, atelye və mərmər anbarı var. Ərazidə hovuzu və fəvvarəsi olan həyət, həmçinin ikimərtəbəli qonaq evi də yerləşir.
Qeyd edək ki, 2022-ci ilin oktyabrında Coli Bred Pittdən boşanmasının səbəbinin 2016-cı ildə ailənin Kaliforniyaya şəxsi təyyarə ilə uçuşu zamanı baş verən münaqişə olduğunu bildirib və keçmiş ərinə qarşı məişət zorakılığı iddiası ilə məhkəməyə müraciət edib. İddiaya görə, Pitt uçuş zamanı onu uşaqlarına qarşı kobud olmaqda günahlandırıb, təyyarənin vanna otağında ona qışqırıb, şiddət göstərib. Cütlüyün övladlarından biri aktrisanın müdafiəsinə qalxıb, nəticədə Pitt iddiaya görə ona sillə vurub.