Azadə Novruzova-50

             GÜNƏŞ QADIN

Həyat  sevgi, ünsiyyət, sədaqət, etibar, etiram  hissi ilə ürəyə yatımlı, zövqlü, həvəsli olur. Yaşadığın illər  boyu ürəyin pozitiv notlara yüklənəcək ortamda, çevrədə olmağa, özünü tapmağa, görməyə tələsir. Çünki pozitivlik insan həyatını ən gözəl anlarla cilalayır. O gözəl anlar  sədaqətli dost, əllərini tutduqda ürəyini hiss edəcək rəfiqə ilə canlanır. Yaşadığın illərində sədaqətli, etibarlı dosta ehtyac duyursan.O dostla sevincini, kədərini, yalnışını, doğrunu bölürsən, paylaşırsan. Yaxşı ürəkli dost qazanmaq, dostu olmaq o da bir bəxtdir, bir şansdır  deyillər. Bu doğrudur! Şeirləri ürəkləri riqqətə gətirən, duyğuları könülləri oxşayan, düşüncələri insanı fikir burulğanına  aparan günəş simalı bir dostum var. O dost zərifdən də zərif amma güclüdür, o dost incədən incə amma polad kimi əyilməz doğruya-doğru düzə düzdür, o dost  sədaqətdir, o dost etibardır. Günəş qadın deyərdim o dostuma çünki nuru heç zaman əsgilməz, yorulmaz sevgisini paylaşmaqla, öz nurundan dostlarına dünya boyda sevinc bəxş edər, özünü şam kimi əridər sədaqəti ilə dostlarının uğurlu olmasına. O dost mənim ömür illərimə 38 ildir ki, öz sədaqətini etibarı ilə təsdiq edib. 38 baharı, qışı,payızı,yazı o dostluğun işığında birlikdə keçirtdik. Bu illərdə sevincə şərik olub, dərdimizi paylaşdıq bir sözlə doğmalaşdıq, doğma olduq. Bu il onun doğmam sandığım o günəş qadının ömründə yeni bir cığır açılır... 50 yaşı tamam olur.

Qışın ortasında, yaz havasıydı

Səfindən ayrılan, quş  oldum gəldim.

Döndüm  min arzuya, min bir diləyə

Bir çimdik torpağı

Tutiyə kimi alıb dimdiyimə

Göyə götürdüm.

Gördüm Allah açıb bağlı qapısını

Bilir hardan gəlb, hara gedirəm

-deyən gözəl şeirlər müəllifi , etibarlı dost , Prezident təqaüdçüsü, Ambudsman  aparatının əməkdaşı, şairə -publisist , maraqlı kitablar, məqalələr müəllifi Azadə xanım Novruzovadır.

Əziz ürək dostum , sirdaşım Səni yubileyin münasibəti ilə təbrik edirəm.Gələcək illərin sənə xoş və gözəl gəlsin. Sənin kimi  incə ruhlu dostum, rəfiqəm olmasına çox şanslıyam. Allah hər  zaman səni pənahında saxlasın.

İradə Əlili