Mədəniyyət naziri  Adil Kərimlinin doğum günüdür

Azərbaycan mədəniyyətinin, milli dəyərlərin fədakar və sədaqətli qoruyucusu – Adil Kərimlinin doğum gününə səmimi təbrik

Azərbaycanımızın zəngin və rəngarəng mədəniyyətinin qorunması, tədqiqi və dünya səviyyəsində tanıdılması istiqamətində son illər atılan addımlar ardıcıl və məqsədyönlü siyasətin nəticəsidir. Bu uğurlu prosesin önündə dayananlardan biri də Mədəniyyət naziri Adil Kərimlidir.

Adil müəllim uzun illər ərzində Azərbaycan tarixinin, mədəniyyətinin və mədəni irs nümunələrinin öyrənilməsinə böyük diqqət göstərib. İndi isə həmin dərin bilik və təcrübəsini ölkəmizin mədəniyyət siyasətinin inkişafına uğurla yönəldir. Onun fəaliyyəti təkcə idarəçilikdən ibarət deyil – bu, milli-mədəni dəyərlərə olan səmimi bağlılığın bariz nümunəsidir.

Nazir kimi işə başladığı gündən mədəniyyət sahəsində şəffaflıq, modern idarəetmə və sistemli yanaşma əsas məqsədlərindən biri olub. Tarixi abidələrin bərpası, muzeylərin yenilənməsi və regionlarda mədəni həyatın canlanması onun diqqətindədir və bu istiqamətdə böyük layihələr həyata keçirilir.

Adil Kərimlinin təşəbbüsü ilə bir çox mədəniyyət ocaqları yenidən fəaliyyətə başlayıb, gənc yaradıcıların potensialını üzə çıxarmaq üçün yeni imkanlar yaradılıb. Onun rəhbərliyi altında keçirilən beynəlxalq festivallar və sərgilər Azərbaycan mədəniyyətinin dünyada daha çox tanınmasına böyük töhfə verir.

UNESCO və digər beynəlxalq qurumlarla sıx əməkdaşlıq nəticəsində mədəni irsimiz daha geniş coğrafiyalarda hörmətlə qarşılanır.

Ənənə ilə yeniliyi birləşdirmə bacarığı ona həm ölkədə, həm də xaricdə böyük hörmət qazandırıb. Onun fəaliyyəti dövlətçiliklə mədəniyyətin gözəl vəhdətinin parlaq nümunəsidir.

Azərbaycan mədəniyyətinin dünəninə, bu gününə və sabahına ürəkdən bağlı olan insanların fəaliyyəti həmişə dəyərli və hörmətə layiqdir.
Adil Kərimlinin adı isə bu dəyərli yolun öncüllərindən biri kimi uzun illər yaddaşlarda qalacaq.

1001info.az saytı olaraq fəaliyyəti dövründə təkcə vəzifə daşıyan bir məmur  deyil, həm də mədəni irsimizə dərin hörmətlə yanaşan, onu sevən və yaşadan ziyalı kimi tanınan Adil Kərmlini təbrik edirik.

İnanırıq ki,  Azərbaycanın zəngin mədəni irsi onun  rəhbərliyilə  dünya miqyasında daha çox tanınıb təbliğ ediləcək.