ŞƏHİDLƏR -Qazilər
![](/uploads/img/posts/2024/05/28/IMG-20240528-WA0005jpg-1716902626.jpg)
İstiqlal günü doğulan Şəhid Sabir Səmədov - Vüqar Əsgər yazır
İstiqlal günü doğulan Şəhid Sabir Səmədov Bu gun 28 may Dünya Azərbaycanlıları üçün ən önəmli günlərdən biridir. 1918-ci ilin bu günü Şərqdə ilk Demokratik Respublika ...
DÜNYA ƏDƏBİYYATDAN
![](/uploads/img/posts/2022/08/26/755434197865417jpg-1661514294.jpg)
16 yaşlı oğulluğu ilə eşq yaşayan yazıçı Sidoni Qabriel Kolett
1001info.az Kulis.az -a istinadla “Həyatı film olanlar” layihəsində fransız yazıçısı, Qonkur Akademyasının üzvü Sidoni Qabriel Kolett haqda “Kolett” bədii filmini ...
İDMAN
MARAQLI
Məktəblinin alın yazısı... - El Romanın yazısı
![details](/uploads/img/posts/2024/02/20/Без названияjpg-1708414040.jpg)
CƏMİYYƏT
20.02.2024, 11:20 Oxunub: 1372Evdən qayçı gətirdilər ki, o qızın saçlarını kəssinlər..." - Məktəblinin alın yazısı
1001info.az Kulis.az-a istinadən El Romanın "Fira" yazısını təqdim edir.
Dünən gecə həmişə getdiyim məkanda pivə içə-içə futbola baxırdım. Bir nəfər video göndərdi.
Belə hallarda işimi görməyə davam edirəm. Amma bu dəfə tələsdim həmin videoya baxmağa.
Udquna bilmədim.
Uzun zamandır ki, mənə heç nə belə təsir etməmişdi. Yaxşı, ya da pis, fərqi yoxdur.
Hirsimi bilmədim kimdən çıxam, ofisiant xanımı çağırıb qeyri-etik tərzdə dedim ki, Fira, iki saatdı külqabını niyə dəyişdirmirsən?
Videoda bir yeniyetmə, öz sinif yoldaşının alnına israrla öz adını yazırdı, başında yumurta sındırırdı, onunla qeyri-etik danışırdı.
Hətta mənim Firayla danışdığımdan daha ağır, daha qeyri-etik.
İnsanlar öz alın yazılarını başqalarının da alnında görməyə maraqlıdılar.
Elə bir vəziyyətə gəlmişik ki, videonun qurma olduğuna inananlar var.
Guya planlı şəkildə çəkilib, zərərçəkən özü də razıdı videonun çəkilməsinə.
Birincisi, heç kəs özünü bu həddə alçaltmaz, lap alçaltsa belə, tirajlanmağına göz yummaz. Birmənalı olaraq, mümkün deyil.
İkincisi, siz qızın səsindəki titrəyişi, boğuqluğu necə olur ki, hiss edə bilmirsiniz?
Bu qədər qəddarlaşmısınız?
Bu qədər hissizləşmisiniz?
Xırda müşahidə ilə də başa düşmək olar ki, video qurma deyil.
Qızlardan biri zərərçəkənin başında yumurta sındıranda videonu çəkən şəxs qıraqdan "bəsidi" sözünü deyir. Bu söz qurma videoda işlədiləcək söz deyil.
"Bəsdi" başqa şeydi, "bəsidi" başqa.
Necə çəkildi bu video?
Necə yayıldı?
Proses addım-addım necə baş verdi?
Doğrudan da, ciddi-ciddi gedib mağazadan yumurta aldılar ki, o qızın başında sındırsınlar?
Doğrudan da, evdən qayçı gətirdilər ki, o qızın saçlarını kəssinlər?
Doğrudan da, videonu çəkdilər və yerindəcə paylaşdılar?
Firanı çağırıb acıladım ki, pivəni niyə ilıq verir?
Gördüm, doluxsunub. Elə fikirləşirdim ki, hamı izləyib artıq videonu. Ona görədi.
Gülməli rəylər görürəm.
Yazanlar var ki, mənim qızım yaşdadır, bayaqdan özümə gələ bilmirəm.
Qızın yaşda kimsə ölər, yazarsan ki, özümə gələ bilmirəm, mənim qızım da bu yaşdadı.
Qızın üzünün gizlədilməsinə baxmayaraq, videonu çox rahat izləyirdim.
Görəsən, mən niyə əmin idim ki, o qız mənim bacım, xalamın, dayımın, əmimin qızı deyil?
Görəsən, hamı niyə əmindir?
Pivə içə-içə futbola baxmağa davam etdim.
Heç "çayevoy" da vermədim Firaya.
El Roman
![](https://1001info.az/frontend/img/reklam_ic_sehife_alt.jpg)
Digər xəbərlər
![](/uploads/img/posts/2024/07/10/qulu-qafqazjpg-1720608134.jpg)
![](/uploads/img/posts/2024/07/08/449613750_7913608335400716_5883951615184288135_njpg-1720432261.jpg)