Sərvər Bəşirlinin yardım maşını 9 yaşlı Zarina Məcidlinin  rənglər dünyasında...  Bu rəsm çox danışılacaq

Qardaş ölkədə baş verənlər böyüklü-kiçikli bütün xalqımızı üzdü, dərin kədərə səbəb oldu. İnsanlar təbii fəlakətin nəticələrini ekrandan izləyib göz yaşı töküb, bacardığı qədər yardım etməyə tələsdilər. 
Türkiyədə baş verən zəlzələdən zərər çəkənlərə yardım toplanıldığı zaman  "Jiquli"si ilə yardım məntəqəsinə əşya daşıyan zaman  çəkilən bir fotosu ilə Laçın qaçqını Sərvər Bəşirli fenomenə çevirdi... Onun bu hərəkəti cəmiyyədə səs doğurdu, alqşılandı...

1001info.az xəbər verir ki, Sumqayıtda yaşayan 9 yaşlı Zarina Ruslan qızı Məcidli də bu fotodan  duyğulanaraq gözəl bir rəsm çəkib. Bu balaca istedadlı qızın bu dəfə qəhrəmanı Sərvər Bəşirli olub. Zarina  həssas duyğularını fırçasından süzülən boyalar ilə vurğulayıb. Onun bu mövzuya müraciət etməsi qəlbinin çırpıntilarını, qardaş ölkədə yaşananlara, həmyaşıdlarının faciəsinə biğanə olmadığını,  üzüntüsünü ifadə edir. Əslində bu  yaşının azlığına baxmayaraq Zarinanın daxili dünyasının çox zəngin olduğunu göstərir. 

İnanırıq ki, İllər sonra Zarinanın  rəsm əsərləri, kompozisiyaları  dünyanın böyük rəsm qalareyalarını bəzəyəcək. 

Qeyd edək ki, Zarina Məcidli məşhur idman xadimi, 5 qat dünya çempionu Ehram Məcidovun qardaşının övladıdır.