“Ağa Musa Nağıyev:Tarix yazan binalar” sənədli filminin təqdimatı olub

Həzi Aslanov adına Mərkəzi Zabitlər Evində “Milli  Dəyərlərin Qorunması” İctimai birliyinin ərsəyə gətirdiyi “Ağa Musa Nağıyev:Tarix yazan binalar” sənədli filminin təqdimatı olub.  Sənədli film Bakı milyonçusu və xeyriyyəçi Ağa Musa Nağıyevin XX əsrin əvvəllərində  Bakıda tikdirdiyi binalardan – İsmailiyyə və “Qış evi”ndən bəhs edir.

Fİlmdə əsas məqsəd bu tarixi binaların şahid olduqları tarixi prosesləri cəmiyyətə bir daha tanıtmaqla Az\ərbaycan tarixinin indiyədək oxunmayan səhifələrini açıqlamaq, milli-mənəvi dəyərlərimizdən olan xeyriyyəçilik ənənələrini təbliğ etməkdir.  Filmin layihə rəhbəri Ağa Musa Nağıyevin nəvəsi Tarix elmləri üzrə fəlsəfə doktoru Dilarə Nağıyeva, rejissoru Etibar Məmmədovdur. 

Filmin təqdimat mərasimində tanınmış elm xadimləri, hərbiçilər, sənət insanları, mətbuat nümayəndələri iştirak ediblər.  

Çıxış edənlər  çətin, lakin şərəfli ömür yaşayan, taleyin hökmü ilə sınaqlara məruz qalan Musa Nağıyevin xeyriyyəçilik və ictimai fəaliyyətindən danışdılar, sənədli filmi  geniş tamaşaçı kütləsinə dəyərli töhfə kimi dəyərləndirdilər.