ŞƏHİDLƏR -Qazilər
![](/uploads/img/posts/2024/05/28/IMG-20240528-WA0005jpg-1716902626.jpg)
İstiqlal günü doğulan Şəhid Sabir Səmədov - Vüqar Əsgər yazır
İstiqlal günü doğulan Şəhid Sabir Səmədov Bu gun 28 may Dünya Azərbaycanlıları üçün ən önəmli günlərdən biridir. 1918-ci ilin bu günü Şərqdə ilk Demokratik Respublika ...
DÜNYA ƏDƏBİYYATDAN
![](/uploads/img/posts/2022/08/26/755434197865417jpg-1661514294.jpg)
16 yaşlı oğulluğu ilə eşq yaşayan yazıçı Sidoni Qabriel Kolett
1001info.az Kulis.az -a istinadla “Həyatı film olanlar” layihəsində fransız yazıçısı, Qonkur Akademyasının üzvü Sidoni Qabriel Kolett haqda “Kolett” bədii filmini ...
İDMAN
MARAQLI
“CinemaPlus”da Braziliya Film Festivalının yeni buraxılışı
![details](/uploads/img/posts/2023/10/26/396497524_243780545047010_4921294072675111910_njpg-1698313603.jpg)
MƏDƏNİYYƏT
26.10.2023, 13:44 Oxunub: 663
Braziliya Film Festivalı Bakıya qayıdır. Oktyabrın 30-dan noyabrın 3-dək tədbirin ardıcıl ikinci buraxılışı “Dəniz Mall” ticarət mərkəzində yerləşən “CinemaPlus” premium kinoteatrında keçiriləcək. Festival “Linhas Produções Culturais”, Braziliyanın Bakıdakı səfirliyi və “CinemaPlus” kinoteatrlar şəbəkəsi arasında əməkdaşlığın təzahürüdür. Bu il ən müxtəlif janrlardan 5 müasir film seçilib. Seanslar hər gün saat 19:00-da başlayacaq.
Oktyabrın 30-da, bazar ertəsi, açılış sessiyasında “Eduardo və Monika” romantik filmi nümayiş olunacaq. Film 80-ci illərdən başlayaraq bir çox nəsilləri sarsıdan Braziliya rok qrupunun eyniadlı mahnısına əsaslanır. Rejissoru Rene Şampayo olan “Eduardo və Monika” bir-birindən fərqli, lakin bir-biri üçün doğulan cütlüyün romantikasını göstərir. Onlar mədəniyyət, yaş və hətta zövq müxtəlifliklərinə baxmayaraq, dəlicəsinə aşiq olurlar. Artıq beynəlxalq festivalların qalibi olan filmdə Hollivudda Mett Deymon və Codi Fosterlə “Elizium” (“Elysium”), Uill Smit və Qabriel Leone ilə “Mən əfsanəyəm” (“Eu Sou a Lenda”) filmlərindəki işi ilə məşhur olan Braziliya kinematoqrafiyasının gənc kəşfi aktrisa Alise Braqa çəkilib.
Çərşənbə axşamı, oktyabrın 31-də növbə Xose Eduardo Belmontenin fantastik dramı olan “Həqiqətlər” filminə çatacaq. Polis məmuru Braziliyanın gözdənuzaq ərazilərindəki kiçik bir şəhərdə baş vermiş cinayəti açmağa çalışır. Hekayədə üç nöqteyi-nəzərdən danışılır: muzdlu qatil, gəlin və iş adamı. Polis məmuru ilə nişanlısı arasındakı münasibət də daxil olmaqla, hər şey hərəkətlidir, şübhə və müəmmalarla doludur.
Çərşənbə günü, noyabrın 1-də Roberto de Oliveyranın “Elis və Tom - Sadəcə səninlə olmalı idi” sənədli filmi nümayiş olunacaq. Maestro və bəstəkar Tom Jobim dünya musiqisinin ən böyük dahilərindən biri olub, “Garota de İpanema”da (“İpanemalı qız”) Vinisius de Morayeşlə əməkdaşlığı ilə məşhurlaşıb. Elis Regina isə Braziliya musiqisinin ən böyük ifaçılarından biri olub. Sənədli film ikilinin 1974-cü ildə Los-Ancelesdə hazırladıqları və bu ilə qədər buraxılmayan albom çəkilişlərinin pərdəarxasından bəhs edir.
Cümə axşamı, noyabrın 2-də növbə 20-ci əsrdə Braziliyanın ən çox sevilən sənətçilərindən biri olan “Pişinginya” (“Pixinguinha”) kimi tanınan Alfredo da Roşa Vyanna Filhonun həyat və yaradıcılığı haqqında Denise Saraseni və Allan Fiterman tərəfindən çəkilmiş “Pişinginya - Nəvazişli adam” filminindir. Film onun 14 yaşında karyerasının başlanğıcından başlayaraq, qrupu ilə Parisdə keçirdiyi vaxta və həyat yoldaşı ilə münasibətlərinə qədər həyatının mühüm anlarını təsvir edir.
Cümə günü, noyabrın 3-də, bağlanış sessiyasında bir neçə beynəlxalq mükafat qazanan Renato Barbyerinin real hadisələrdən ilhamlanan “Pureza” (“Saflıq”) dramı nümayiş olunacaq. “Pureza” (“Saflıq”) Amazonda şaxtada işləmək üçün gedən və bir daha xəbər alınmayan oğlunu ümidsizcə axtaran bir ananın hekayəsindən bəhs edir. Pureza şəhərləri gəzir, fermalara girir və kənd işçilərinin işə götürülməsi və azadlıqlarını məhdudlaşdıran qəddar bir sistemi kəşf edir. Film mübarizəsi Braziliya tarixində bütün ölkə ərazisində ilk dəfə qul əməyinə qarşı mübarizə aparan Xüsusi Mobil Təftiş Qrupunun yaradılmasına ilham verən Pureza Lopeş Loyolanın əsl hekayəsindən ilhamlanıb.
Braziliyanın Bakıdakı səfiri Manuel Monteneqro üçün festivalın ardıcıl ikinci il keçirilməsi Braziliya kinosunun uğurlarının və Azərbaycan xalqının Braziliya mədəniyyətinə marağının danılmaz sübutudur. “Biz inanırıq ki, kino müxtəlif insanların bir ölkənin mədəniyyətini daha dərindən tanıması üçün ən yaxşı yollardan biridir. Keçən il festivalın birinci buraxılışına insanlar kinoteatrları dolduranda Azərbaycan xalqının böyük marağının şahidi olmuşduq. Biz fərqli janrlardan filmlər vasitəsilə hər kəsə öz mahiyyətimizdən bir az təqdim etmək istəyirik”, - deyə səfir vurğulayıb.
“Linhas Produções Culturais”in direktoru Fernanda Bulhoynsun sözlərinə görə, festivalın əsas qayğılarından biri təkcə yeni filmləri bir araya gətirmək deyil, həm də istehsalın keyfiyyətini və müxtəlifliyini nümayiş etdirən emosiyaların və janrların qarışığını Azərbaycan xalqına təqdim etməkdir:
“Bu il ictimaiyyət, xüsusən “Pureza” (“Saflıq”) kimi real həyata əsaslanan güclü, təsirli hekayələrlə qarşılaşacaq, eyni zamanda Tom Jobim, Elis Regina və Pişinginya kimi musiqimizin böyük simaları ilə tanış olacaq. Xüsusilə Braziliya kinosunu və mədəniyyətini sevənləri böyük sürprizlər və fərqli emosiyalar gözləyir”.
![](https://1001info.az/frontend/img/reklam_ic_sehife_alt.jpg)