Elza Seyidcahandan növbəti möhtəşəm konsert proqramı

1001info.az xəbər verir ki, Azərbaycan Ordusunun Təlim və Tədris Mərkəzində 8 noyabr – ZƏFƏR gününə və 2023-cü ilin “Heydər Əliyev ili” elan edilməsinə  həsr olunmuş möhtəşəm konsert olub. 

“ŞANLI ZƏFƏR” adlı konsert hərbi qulluqçular üçün təşkil edilib. Tədbir Azərbaycan himninin səslənməsi və şəhidlərin ruhunun sükutla yad edilməsi ilə başlanıb. Konsertdə əməkdar artist , bəstəkar-müğənni Elza Seyidcahan repertuarından ən gözəl ifaları səsləndirib. Sənətçi konsertin keçirilməsində əməyi olan hər kəsə təşəkkür edib, Azərbaycan Ordusu ilə fəxr etdiyini söyləyib. Elza Seyidcahan  Azərbaycan Ordusunun əldə etdiyi uğurların arxasında, heç şübhəsiz, ölkə Prezidenti, Silahlı Qüyvələrimizin Ali Baş Komandanı İlham Əliyevin gərgin əməyi və davamlı qayğısı dayandığını xüsusi vurğulayıb.

Vətənpərvərlik ruhunda  keçən gecədə xalq artistləri Zabit Nəbizadə, Mələkxanım Əyyubova, Məleykə Əsədova , əməkdar artistlər Gülüstan Əliyeva, Nuriyyə Hüseynova  Elza Seyidcahanın sevilən nəğmələrini ifa ediblər. Tədbirdə millət vəkilləri, tanınmış idman xadimləri, mətbuat nümayəndələri də iştirak ediblər.

“ŞANLI ZƏFƏR” konsert proqramı alqışlarla qarşılanıb.