"İlham Əliyev Cənabları səbəbləri araşdırmaqla məşğuldur..." - Hadı Rəcəbli

Siyasi elmlər doktoru, professor Hadı Rəcəbli 1001info-Tv-yə müsahibə verib.

Hadı Rəcəbli 53 il bundan əvvəl, 23 yaşında Lənkəran Şəhər Komsomol Komitəsinin 2-ci katibi seçilməsindən , 69-cu ildə Ulu Öndərin hakimiyyətə  gəlişi ilə Azərbaycanda  yeni dövlət quruculuğu modelinin inkişaf etməsindən danışıb. Milli Məclisdə çalışdığı vaxtda ən çox qəbuluna gəlinən millət vəkili olduğunu, bəzən  80 nəfəri 1 gündə qəbul etdiyini qeyd edən Hadı Rəcəbli  bir-çox maraqlı məqamlara toxunub. 

 20 il əvvəl İlham Əliyev Baş nazir seçiləndə  Milli Məclis kürsüsündən etdiyi tarixi çıxışı xatırladan Hadı Rəcəbli:  “Bütün dünyada dövlət başçıları nəticəylə mübarizə aparırlar, nəticəni düzəltməyə çalışırlar, amma İlham Əliyev Cənabları səbəbləri araşdırmaqla məşğuldur" – deyib.

O,  qeyd edib ki,  2013-cü illə 2023-cü il arasında səhiyyəyə ayrılan vəsait 11 dəfə artırılıb , Asan və Dost xidmətlərinin  yaradılması məmur-vətəndaş kontaktını azaltmaqla  korrupsiyanın aradan qaldırıb, bu gün Azərbaycanda elektron idarəetmə, elektron dövlətçilik modeli İlham Əliyev Cənablarının  xətti kimi ortaya qoyulub.  

Ailə dəyərləri mövzusuna toxunan Hadı Rəcəbli: “Boşanmaların qarşısını almaq, azaltmaqla ailənin təməl prinsiplərinə riayət etməklə Azərbaycançılıq ideologiyasını, milli-mənəvi dəyərləri inkişaf etdirməliyik”- deyib.

“İnsan olmağın özü ləyaqətdir.  İnsan olmaq üçün gərək daim milli-mənəvi dəyərlərə hörmət edəsən.O adamlar ki, vəzifəyə görə yan-yörənə yığılırlar, onlar dost deyillər. Dost odur ki, həyatın ağrılı-acılı anlarını səninlə yaşasın”-deyən Hadı Rəcəbli ilə geniş müsahibəni aşağıdakı linkdən izləyə bilərsiniz. 

https://youtu.be/B9JdF14HMFw?si=wId9oZwwK2JHDVSR