usd-1.7000 eur-1.8109 rub-0.0182
Bakı 16°C 6.69 m/s
Son xəbərlər
22-04-2024

ŞƏHİDLƏR -Qazilər

Burdan bir atlı keçdi...

Mən bir igid tanıyıram. Uşaqlığı şahə qalxan at belində keçən, qorxmaz, cəsur, hələ kiçik məktəb yaşlarında olanda Şiraslan əmisinin evi yananda evin damına dırmaşıb alovlanan bacaya su töküb ...

DÜNYA ƏDƏBİYYATDAN

  16 yaşlı oğulluğu ilə eşq yaşayan yazıçı  Sidoni Qabriel Kolett

    1001info.az Kulis.az -a istinadla  “Həyatı film olanlar” layihəsində fransız yazıçısı, Qonkur Akademyasının üzvü Sidoni Qabriel Kolett haqda “Kolett” bədii filmini ...

İDMAN

MARAQLI

Milli Kitabxanada Əli bəy Hüseynzadəyə həsr olunan kitab sərgisi açıldı

details

MƏDƏNİYYƏT, ƏDƏBİYYAT

24.02.2024, 12:56 Oxunub: 939

Fevralın 23-də Mədəniyyət Nazirliyi və Milli Kitabxananın birgə təşkilatçılığı ilə XX əsr Azərbaycan ictimai fikrinin görkəmli nümayəndəsi, türkçülük məfkurəsinin böyük carçısı, tanınmış ədib, publisist, maarifçi, rəssam və təbabət alimi Əli bəy Hüseynzadənin anadan olmasının 160 illik yubileyi münasibətilə kitab sərgisi açılıb.


1001info.az Kulis.az-a istinadən  xəbər verir ki, sərginin açılışında mədəniyyət nazirinin müavini Səadət Yusifova, Mədəniyyət Nazirliyinin Kitab sənayesi şöbəsinin müdiri Akif Maarifli, tanınmış elm və mədəniyyət xadimləri iştirak ediblər.
Milli Kitabxananın Elmi işlər və kitabxana-informasiya xidməti üzrə direktor müavini, tarix üzrə fəlsəfə doktoru Ədibə İsmayılova, XIX əsrin sonu - XX əsrin əvvəllərində yaşamış şəxsiyyətlərin Əli bəy Hüseynzadənin fəaliyyətini yüksək qiymətləndirərək, onu “Qafqaz müsəlmanlarının atası” adlandırdıqlarını qeyd edib. Əli bəyin Mirzə Fətəli Axundzadənin, Həsən bəy Zərdabinin maarifçilik ideyasını davam etdirdiyini və həyat qəzetində çalışarkən türkçülük haqqında geniş məqalələr dərc etdiyini diqqətə çatdıran Ə.İsmayılova, Ə.Hüseynzadənin ideyalarının daim müasir olduğunu və bugünkü günümüzlə də səsləşdiyini söyləyib.
Mədəniyyət nazirinin müavini Səadət Yusifova Əli bəy Hüseynzadənin Azərbaycan və bütövlükdə Türk dünyasının milli özünüdərkində, Türk dünyasının formalaşmasında müstəsna xidməti olan şəxsiyyət kimi xarakterizə edib. Əlavə edib ki, Əli bəy Hüseynzadə zamanın böyük düşüncə adamı olub, Avropa fəlsəfəsinin doğurduğu modernləşmə ideyalarını birləşdirərək, XX əsrin əvvəllərində Azərbaycan və türkçülük ideologiyasının bünövrəsini qoyub.
Ədəbiyyat qəzetinin baş redaktoru, filologiya üzrə fəlsəfə doktoru Azər Turan Əli bəy Hüseynzadənin müasir modern rəssamlığının banisi olduğunu deyib.
Ədəbiyyat İnstitutunun Erkən realizm və yeni dövr Azərbaycan ədəbiyyatı şöbəsinin müdiri, filologiya elmləri doktoru, professor İslam Qəribli çıxışında Əli bəy Hüseynzadənin “Füyuzat” məcmuəsində çap etdirdiyi ədəbi-bədii, elmi məqalələrindən danışıb. O, Əli bəy Hüseynzadənin böyük siyasətçi, jurnalist, ideoloq, filosof olmaqla yanaşı, rus, Avropa, alman və türk ədəbiyyatını mükəmməl bilən şair, tərcüməçi, həm də həkim olduğunu bildirib, ədibin zəngin, çoxcəhətli fəaliyyətindən geniş bəhs edib.
Nizami adına Ədəbiyyat İnstitutunda “Uşaq ədəbiyyatı” şöbəsinin müdiri, filologiya elmləri doktoru, dosent Elnarə Akimova Əli bəy Hüseynzadənin publisistikasından danışıb.
Əlyazmalar İnstitutunun "Şəxsi arxivlərin tədqiqi" şöbəsinin böyük elmi işçisi Aytən İmanova Əli bəy Hüseynzadənin siyasi fəaliyyətinə toxunub, onun İstanbul Tələbə Cəmiyyətinə Avropa ədəbiyyatını tanıtmağından bəhs edib.
Sonda Milli Kitabxananın hazırladığı “Böyük maarifçi Əli bəy Hüseynzadə” adlı virtual sərginin təqdimatı və “Əli bəy Hüseynzadə -160” adlı ənənəvi kitab sərgisi ilə tanışlıq olub.

Digər xəbərlər