Qarabağ qazisi haqsız yerə incidildiyini yazır

     Redaksiyamıza  birinci Qarabağ müharibəsi qazisindən şikayət məktubu daxil olub. Aktuallığını nəzərə alaraq onu olduğu kimi  sizə təqdim edirik.
     Mən Səfərov Azər Saleh oqlu 1975- ci ildə Yevlax rayonunda anadan olmuşam. 1998 ci ildə torpaq islahatları zamanı Yevlax rayonu Qoyunbinəsi kəndində mənə və 4 nəfərdən ibarət ailə üzvümə pay torpağı ayrılmışdı. Həmin torpaq sahəsini keçmiş bələdiyyə sədri Məmmədov Qabil Süleyman oqlu saxta sənətlərlə özününküləşdirib zəbt etmişdi. Mən bu məlumatı biləndən sonra 2021- ci ildə prokurorluğa müraciət etdim. Bundan sonra bizə təzyiq göstərmək məqsədi ilə  2021- ci ilin iyunun 27-də başda keçmiş bələdiyyə sədri  Qabil Məmmədov olmaqla oğlu Süleymanzadə Rahil  (Ailə, Qadın və Uşaq Problemləri Üzrə Dövlət Komitəsinin əməkdaşı), qızı Əsgərzadə Vəfa Qabil qızı  (Ombudsman Aparatının  məsləhətçisi), digər oqlu Məmmədzadə Elşən Qabil oğlu (Ədliyyə Nazirliyin Pentensiar xidmətin zabiti), həyat yoldaşı Məmmədova Təranə və digərlər qohumları  ilə qardaşımın Qoyunbinəsi kəndində yaşadığı ünvana hücum etmişlər. oğlu Rahil və qızı Vəfa orda yaşlı atama və anama nəlayiq təhqiredici sözlər işlətmiş və onlara hədə-qorxu gəlmişlər. 2021-ci il iyul ayında mənim həyat yoldaşıma zəng edərək uşaqlarımı öldürməklə hədələyiblər. Bununla bağlı 2022-ci ilin  aprel ayında Yevlax rayon Polis Şöbəsində araşdırma aparılmış, Qabil Məmmədovun saxta sənət düzəltməsi üzə çıxmışdı. Ona C.M.-nin  320.2 maddəsi ilə iş qaldırılsa da, təəssüflər olsun ki, bu vaxta qədər məsuliyyətə cəlb olunmamışdı. Qabil Məmmədov qardaşı Tofik Məmmədovun ölümündən istifadə edərək öz günahlarını onun üstünə yıxmışdı.
     Cəzasızlıqdan harınlamış Qabil Məmmədov bundan sonra daha da irəli gedərək kənddə daha 41 nəfərin, o cümlədən dövlətə aid hektarlarla torpağı saxta sənədlərlə özününküləşdirmişdi. Əldə etdiyi külli miqdarda vəsait hesabına övladlarını müxtəlif vəzifələrə təyin etdirmişdi.
   Ailə, Qadın və Uşaq Problemləri Üzrə Dövlət Komitəsinin sədri  Bahar Muradovaya işçisinin özbaşınalığı ilə bağlı dəfələrlə qəbuluna yazılsam da, təəssüf ki, onunla görüşə bilməmişəm. Hər dəfə müraciət etdikdə bildirirlər ki, Bahar xanım xaricdədir. 
   O cümlədən Ombudsman Aparatının rəhbəri Səbinə Əliyevaya dəfələrlə şikayət ərizəsi göndərməyimizə baxmayaraq cavab ala bilməmişəm. 
   18.06. 2023- cü il tarixində Baş Prokuror Kamran Əliyevin qəbulunda olub,  Qabil Məmmədovun korrupsiya cinayətləri haqqında məlumat vermişəm. 2023- cü ilin iyulun əvvəlində yenidən Baş Prokurorluqda oldum. DİO -nun Nəzarət İdarəsinin rəisi Natiq Abdullayevlə görüşdüm. Polisdə çıxarılmış qərarın ləğv edilməsinə və işin yenidən araşdırılmasına söz verdilər. Bizdə bir ümid yaranmışdı ki, Qabil Məmmədov etdiyi əmələ görə qanun qarşısında cavab verəcək. Təəssüflər olsun ki, Qabil Məmmədova himayədarlıq edən adamlar var. Əsasən də məhkəmə orqanları... Bunlardan biri Şəki rayonu İnzibati Məhkəməsinin hakimi Fəxri Hacızadədir. 01.06.2023 -cü il tarixdə onun keçirdiyi məhkəmədə analoqu olmayan qanunsuz bir qərar qəbul etmişdir. mənə və ailə üzvlərimə 30 il bundan qabaq verilmiş dövlət aktını ləğv etmişdi. Bunla baqlı Məhkəmə Hüquq Şurasının sədri İnam Kərimova müraciət etmişəm.  Hal - hazırda bu məsələylə bağlı iş Şəki Appelyasiya məhkəməsinin hakimi Rövşən Rəfiyevin icraatındadır. 2 avqust 2023-cü il saat 14:30 məhkəmə təyin edilib. Bu məsələni öz nəzarətinizdə saxlayıb, mənə kömək etməyinizi sizdən xahiş edirəm.

Redaksiya qyd olunan iddialarla bağlı qarşı tərəfin də fikirlərinə yer ayırmağa hazırdı.