Tbilisidə Azərbaycanın Əməkdar artisti Manana Caparidzenin konserti olub

Manana: "Məqsədimiz Azərbaycan-Gürcüstan dostluğunu möhkəmləndirməkdir"
Tbilisidə Azərbaycanın Əməkdar artisti Manana Caparidzenin konserti olub.

1001info.az AZƏRTAC-a istinadən  xəbər verir ki, konsertdə Azərbaycan və gürcü ictimaiyyətinin nümayəndələri iştirak ediblər.
M.Caparidze konsertdə “Can Azərbaycan”, “Şalaxo”, “Qüdrətlidir Bizim Qafqaz”, “Bakı” və digər sevilən mahnılarını ifa edib.
Konsertdə, həmçinin Manananın yeni klipinin təqdimatı da olub.
Klipin rejissoru Laşaman Meunargiya, prodüseri Zurab Tsmarişvilidir. Klipdə M.Caparidzenin duet ortağı gürcü həmkarı Dato Neparidzedir.
Manana deyib ki, kliplə bağlı təklif Gürcüstan tərəfdən gəlib. Klip iki gəncin sevgisindən bəhs edir. Bu obrazlar isə peşəkar aktyorlar tərəfindən canlandırılıb.
Əməkdar artist mahnını ifa edib. Əsərdə Əli və Nino sevgisi nümunə götürülüb.
M.Caparidze sonda əlavə edib: “Məqsədimiz iki dost ölkə olan Azərbaycan ilə Gürcüstan arasında əlaqələrin inkişafına xidmət etməkdir. Düşünürəm ki, bu klip xalqlarımız arasında mədəni əlaqələri daha da genişləndirəcək və möhkəmləndirəcək. Çünki bu klipdə qədim Azərbaycan və gürcü musiqilərindən istifadə olunub”.