Bu yurdumun təbiətinə yağan qardan danışıram

1001info.az "Günün şeiri" rubrikasında  Fuad Biləsuvarlının şeirini təqdim edir.

Bu yurdumun təbiətinə yağan qardan danışıram

Başımıza göy üzündən bol nemətli yağan qardan,
Bol ruzidən xəbər verən bərəkətli yağan qardan,
Öz andına sadiq qalan sədaqətli yağan qardan,
Danışıram.
Bir bəndənin qismətinə yağan qardan danışmıram!

Rəbb tərəfdən hər arzular, hər diləklər qəbul olur?
Olur, olur, Allah haqqı, qiblə haqqı oğul olur.
O işlərlə göydə Rəbbim, Yaradanım məşğul olur,
Kimininsə ismətinə yağan qardan danışmıram!

Artıq tamah baş yarar bil,  aza qane olmalıyam,
Əgər çörək yoxsa bu gün, duza qane olmalıyam,
Rəbb də mənə söz veribdi, sözə qane olmalıyam,
İnsanların sərvətinə yağan qardan danışmıram!

Neynirəm e, kim harada özü üçün bağ salıbdı,
Sağlığına qismət olsun, nə salıbsa sağ salıbdı,
Nə istisi, nə soyuğu desinlər o, şah olubdu,
Varlıların şöhrətinə yağan qardan danışmıram!

Vətənimin gözəlliyin, ağ gününü çox eləyən,
Pis gününü azaldaraq, tamamilə yox eləyən,
İldə bir ay  həddin aşıb, çox yağaraq  ağ eləyən, 
Bu yurdumun təbiətinə yağan qardan danışıram! 

Fuad Biləsuvarlı