ŞƏHİDLƏR -Qazilər
![](/uploads/img/posts/2024/05/28/IMG-20240528-WA0005jpg-1716902626.jpg)
İstiqlal günü doğulan Şəhid Sabir Səmədov - Vüqar Əsgər yazır
İstiqlal günü doğulan Şəhid Sabir Səmədov Bu gun 28 may Dünya Azərbaycanlıları üçün ən önəmli günlərdən biridir. 1918-ci ilin bu günü Şərqdə ilk Demokratik Respublika ...
DÜNYA ƏDƏBİYYATDAN
![](/uploads/img/posts/2022/08/26/755434197865417jpg-1661514294.jpg)
16 yaşlı oğulluğu ilə eşq yaşayan yazıçı Sidoni Qabriel Kolett
1001info.az Kulis.az -a istinadla “Həyatı film olanlar” layihəsində fransız yazıçısı, Qonkur Akademyasının üzvü Sidoni Qabriel Kolett haqda “Kolett” bədii filmini ...
İDMAN
MARAQLI
17 iyun Tibb işçilərinin peşə bayramıdır- Simuzər Hacıbalayeva yazır
![details](/uploads/img/posts/2024/06/05/IMG-20240605-WA0005jpg-1717579291.jpg)
CƏMİYYƏT
05.06.2024, 13:17 Oxunub: 2552Bildiyimiz kimi , Cümhuriyyət Hökumətinin ilk qərarlarından biri ilə 17 iyun 1918- ci ildə Səhiyyə Nazirliyi yaradılmışdır. Dahi, Ulu öndər Heydər Əliyev özünün 4 iyun 2001-ci ildə imzaladığı Sərəncamıyla həmin günü, yəni 17 iyun tarixini Azərbaycanda Tibb işçilərinin Peşə bayramı günü kimi əbədi olaraq rəsmiləşdirmişdir.
Açığı son 3 ildə bu bayram biz Nərimanov adına Azərbaycan Dövlət Tibb İnstitutunun (hazırkı Tibb Universiteti) 1972-ci il məzunları üçün ikiqat bayramdır. Çünki, 2022-ci ildə 1972-ci ilin məzunu Taryel Eyvazovun rəhbərliyi ilə məzunlardan ibarət yaradılmış Təşkilat qrupu sözün həqiqi mənasında yüksək fədakarlıq göstərərək, institutu bitirməyimizin 50 illiyini Respublika miqyasında yüksək səviyyədə keçirməklə bir daha bizi şair demiş: "Sızlər yada düşəndə ürəyimin telləri, O mehriban, o əziz tələbəlik illəri"nə apardı.
Bununla yanaşı, buraxılışımızın 50 illiyinə həsr edilmiş, "Kaş ki, bir də görüşək..." kitabının işıq üzü görməsindən sözün həqiqi mənasında qürur hissi keçiririk. Deyərdim ki, ATU-nun 1972-ci il buraxılışı(1972-2022) məzunlarının 50 illik həyat və yaradıcılığına həsr edilmiş bu kitab səhiyyə sahəsində bir ilkdir! Bu kitabı oxuyarkən, bir daha 1966- 1972-ci ildə məzun olmuş tələbə dostlarımızın əmək və elmi fəaliyyətlərinə heyran olursan. Kitabdan qısa xatırlamaları bir daha yada salmaq istərdim.
Prezident Sərəncamı ilə Qalib Qarayev əməkdar elm xadimi, respublikanın əməkdar həkimi və Tərəqqi medalı ilə təltif edilib. Adil Tağıyev, Cabir Məmmədov( hər ikisi həm əməkdar həkim, həm də Tərəqqi medalı), Adil Salahov, Davud Pənahov, Elmira Əliyeva (həm də Dövlət qulluqçusu), Etibar Həşimov, Əlixeybər Axundov, Nəzakət Süleymanova, İskəndər Bağırov, Kamil İbadov, Kamil İsgəndərov(həm də ilin ən yaxşı idman həkimi və Prezident təqaüdçüsü), Kifayət Həmidova, Malik Şükürov, Məhəbbət Qəmbərova, MirKamal Seyidov, Püstə Əsgərəliyeva, Sədətxan Əliyev, Südabə Nəbi qızı, Svetlana Mjrzəyeva, Yavər Şıxəliyev, Taryel Eyvazov. Bundan əlavə polkovnik-leytinant Asəf Hüseynov "Hərbi xidmətlərinə görə" medalı, MirKazım Kazımi "Fəxri Dəmir Yolçu".
Onlarla professorlar, səhiyyə əlaçıları, rəhbər işçilər, ən əsası ucqar rayon və kəndlərimizdə eləcə də ölkəmizdən kənarda Moskvada- Nailə Ələkbərova, Elbrus Bayramov, Yusif Əmiraslanov,qardaş Türkiyədə- Ələkbər Zeynili, Alma-Atada Cavanşir Səlimov, Gürcüstanda Eldar Qəhrəmanov, Rastov vilayətində Faiq Hümmətov və s. həkim adını ləyaqətlə daşıyanların da əmək və ictimai fəaliyyətləri barədə ətraflı məlumatlar verilmişdir. Bütün bunlara görə kitabın müəllifi tələbə dostumuz Taryel Eyvazova qrupumuz və onların ailə üzvləri adından dərin təşəkkürümüzü bildiririk.
Bunlarla yanaşı həm də artıq iki ilə yaxındır ki, onlayn fəaliyyət göstərən "72-lər qrupu" öz üzvlərini daha da doğmalaşdırıb.
Böyük ruh yüksəkliyi ilə bildirirəm ki, 2022-ci ildə keçirdiyimiz görüşdən sonra bu günə qədər qrupumuzun bütün üzvləri sağ-salamatdır və hazırda da qrupda fəallıq göstərirlər. Onlardan Məhəbbət, Zenfira, Tünzalə, Südabə, Xalidə, Kamil, Zakir, Ramiz və s. adlarını ayrıca qeyd etməmək olmaz.
Təəssüf hissi ilə bildirirəm ki, bu 50 ildə bizim dünyasını dəyişən çoxsaylı tələbə yoldaşlarımız da vardır ki, biz onları və hamımız üçün müqəddəs olan Şəhidlərimizin əziz xatirəsini həmişə böyük ehtiramla yad edirik! Allah rəhmət eləsin.
Hal hazırda gənclik ruhu ilə yaşayan əziz tələbə dostlarım Sizi qarşıdan gələn 17 iyun Tibb işçilərinin Peşə Bayramı günü və İnstutu bitirməyimizin 52-ci il dönümü münasibətilə öncədən səmimi qəlbdən təbrik edirəm, Sizə uzun ömür, can sağlığı arzulayaraq deyirəm: Yaşayın, sağlam yaşayın!
Hamınız, 17-iyun tarixdə buraxılışımızın 52-ci ilinə həsr edilən Görüşə dəvətlisiniz! Kaş ki, bir də görüşək...!
Hörmətlə, N.Nərimanov adına Azərbaycan Dövlət Tibb İnstutunun (hazırkı Tibb Universiteti) 1972-ci il məzunu
Simuzər Hacıbalayeva,
Səhiyyə əlaçısı
![](https://1001info.az/frontend/img/reklam_ic_sehife_alt.jpg)
Digər xəbərlər
![](/uploads/img/posts/2024/07/10/qulu-qafqazjpg-1720608134.jpg)
![](/uploads/img/posts/2024/07/08/449613750_7913608335400716_5883951615184288135_njpg-1720432261.jpg)