Cəlilabad rayonunda Hacı Qəni Camalzadənin  "Şeytana daş atanlar" kitabının təqdimat mərasimi keçirilib

Fevralın 1-də Lənkəran-Astara Regional Mədəniyyət İdarəsinin Cəlilabad rayon Mərkəzləşdirilmiş Kitabxansı, Cəlilabad rayon Heydər Əliyev Mərkəzində Çağdaş Azərbaycan ədəbiyyatının tanınmış nümayəndəsi, Azərbaycan Yazıçılar birliyinin üzvü, 1-ci Qarabağ müharibə veteranı, tarixi romanlar və çoxsaylı hekayələrin müəllifi Hacı Qəni Camalzadənin 15 cilldən ibarət Seçilmiş əsərlərinin 6-cı "Şeytana daş atanlar" cildinin təqdimat mərasimi keçirilib.

İlk öncə torpaqlarımızın azadlığı uğrunda canından keçmiş şəhidlərimizin və Ulu Öndər Heydər Əliyevin əziz xatirəsi bir dəqiqəlik sükutla yad edilib.

Tədbirdə Lənkəran-Astara Regional Mədəniyyət İdarəsinin Cəlilabad rayon üzrə nümayəndəsi Fuad Əzizov, Cəlilabad rayon Mərkəzləşdirilmiş Kitabxana Sisteminin direktor vəzifəsini müvəqqəti icra edən Qənimət İsrafilova, yazıçı-kulturoloq, ictimai xadim Aydın Xan Əbilov, ADPU Cəlilabad filialının müəllimi, fəlsəfə doktoru, AYB-nin üzvü, Prezident təqaüdçüsü, Folklorşünas-alim Bilal Alarlı, Prezident təqaüdçüsü, şair Gülbala Teymur, AYB-nin üzvü, şair Ədalət Salman, AYB-nin üzvü, şair Şahin Həmidli, AYB-nin üzvü, şairə Ruhiyyə Abbaszadə, rayon ziyalıları və oxucuları, şəhid ailələri, MKS-in əməkdaşları və Heydər Əliyev Mərkəzinin əməkdaşları iştirak ediblər.

Tədbiri giriş sözü ilə açan aparıcı Müşahidə Nərimanova tədbir iştirakçılarını salamlayaraq, çağdaş Azərbaycan ədəbiyyatının tanınmış nümayəndəsi, tarixi romanlar və çoxsaylı hekayələrin müəllifi Hacı Qəni Camalzadənin həyatı və yaradıcılığı haqqında geniş və ətraflı məlumat verib.

 Tədbirdə çıxış edənlər Hacı Qəni Camalzadənin kitabları barədə öz fikirlərini ifadə edərək  ömrünü şam kimi ədəbiyyat yolunda yandıran, qədim tariximizə yeni doğru baxış, dini-mənəvi problemlərə fərqli prizmadan baxan yazıçının  daim axtarışda olduğunu vurğulayıblar.Qeyd edilib ki, yazıçı  Azərbaycanda tanınmaqla yanaşı bir çox xarici dillərə də  əsərləri tərcümə olunub.

Sonda yazıçı Hacı Qəni Camalzadə tədbirin hazırlanmasında xüsusi dəstəyi və əziyyəti olan Cəlilabad rayon MKS-nin rəhbərliyinə və kollektivinə, şəhid Fizuli Həbibinin atası Nizami Həbibiyə, eləcə də Lənkəran-Astara Regional Mədəniyyət İdarəsinə və  Cəlilabad sakinlərinə sonsuz təşəkkürünü  bildirib.