Məmməd Aslana həsr olunmuş virtual kitab sərgisi hazırlanıb

Məmməd Aslana həsr olunmuş virtual kitab sərgisi hazırlanıb

Bu gün müasir poeziyamızın görkəmli nümayəndəsi, sevimli şair, Əməkdar mədəniyyət işçisi Məmməd Aslanın anadan olmasının 85-ci ildönümüdür. Bu münasibətlə Cəfər Cabbarlı adına Respublika Gənclər Kitabxanasında şairin həyat və yaradıcılıq yolundan bəhs edən virtual kitab sərgisi hazırlanıb.

1001info.az xəbər verir ki, virtual sərgidə Məmməd Aslanın pedaqoji, tərcüməçilik fəaliyyəti, "Yenilik", "Azərbaycan gəncləri", "Ədəbiyyat və incəsənət" qəzetlərinin, "Ulduz", "Azərbaycan təbiəti" jurnallarının redaksiyalarında işləməsi, "Yazıçı" nəşriyyatında böyük redaktor, "Ekran-Efir" qəzetinin baş redaktoru olması haqda məlumat verilir.

Kitabxananın rəsmi saytında yerləşdirilən virtual kitab sərgisində şairin “Seçilmiş əsərləri”, “Varlıqla yoxluq arasında”, “Ağla, qərənfil ağla”, “Sözün özü”, “Səhəri kim açır” kimi kitabların qısa annotasiyası təqdim edilir, dövri mətbuat nümunələri, Məmməd Aslanın müxtəlif illərdə tədbirlərdə, görüşlərdə çəkilən fotoşəkilləri sərgilənir.