Xuraman Muradovanın kitabı Özbəkistanda nəşr olunub

Azərbaycan Yazıçılar Birliyinin və Türkiyə Yazarlar Birliyinin üzvü, Türk Dünyası Beynəlxalq Elmlər Akademiyasının fəxri professoru və Vektor Beynəlxalq Elmlər Akademiyasının fəxri professoru Xuraman Muradovanın  Özbəkistanda yeni kitabı işıq üzü görüb.

“O”ZBEKİSTON HAM VATANIMDIR” adlı kitab  Özbəkistan Respublikasındakı Azərbaycan Səfirliyinin nəzdindəki Heydər Əliyev adına Mədəniyyət Mərkəzinin layihəsi əsasında nəşr olunub. Kitabın yaxın zamanlarda Özbəkistanda geniş  təqdimatı nəzərdə tutulur. 

Qeyd edək ki, vətənpərvər azərbaycanlı xanım - Xuraman Muradovanın  yazılarındakı böyük səmimiyyət,  zəriflik, həyat eşqi dolu duyğuları onun iç dünyasının zənginliyini oxucuya çatdırır.

Onun şeirləri psixoloji-fəlsəfi dərinliyi ilə respublikamızın hüdudlarından kənarda, Türkiyə, Qırğızıstan, Özbəkistan kimi qardaş türkdilli ölkələrdə böyük oxucu auditoriyasının və ədəbi-elmi ictimaiyyətin sevgisini, rəğbətini qazanmışdır.